Roun dolo  a kisa ? Do annan lanng Dahomey lé di fè, lo lé di provèrb. Atò dolo a provèrb kréyòl Lagwiyann nou ka sèrvi annan kozman pou bay ègzanp, pou poté mésaj ké konsèy... A fraz ka èspliké nou lavi kidonk sa bon kichoz yé ka poté bay nou. Mé lò nou gen djopopo ké moun, dolo fèt pou réponn, mété moun a yé plas, provoké... osi. Fòrs dolo-ya ka randé nou majò toubonnman. Toujou gen dolo nou pi kontan kidonk yé toujou annan nou palò. Gwiyanè té ka sèrvi yé bokou tan lontan. A té yé mannyè viv piskétan yé pa té gen tousa nou gen jodla. Kou masak, nou pi simen anmizé ké yé atchwèlman. Dipi nou pa pédi yé, a sa ki enpòrtan. Monfi, annou jwé ! Dolo-ya ganyen mo ki pa divèt la. Sasé yé souplé. Lò répons-ya bon, mo ka di vayan, lò yé pa bon mo ka di alé dodo (a pou ari moso)